Feeds:
Posts
Comments

Palang Pintu

Assalamualaikum abang ame mpok sekalian..

Ude lama saye kagak cecuapan di mari, pastinye pade kangen ye? Cuman mao cerita kalu ari sabtu ame minggu kmaren, ade hajat gede nyang dilakonin Bamus Betawi, namanye “Lebaran Betawi”.

Lebaran Betawi taon eni diadain di bumi perkemahan Ragunan Jakarta Selatan. Eni hajat buat nyang ke dua kalinye dibikin. Taon kmaren di lapangan Banteng Jakarta Pusat. Insya Allah taon depan bakalan ade hajat Lebaran Betawi ke tiga, cuman belon ktauan di mane ngadainnye.

Nyang namanye ntu acara, rame banget ame pengunjung! Segale seni ame budaya Betawi ade di sane. Ade juga macem-macem jajanan makanan ame barang-barang khas Betawi. Mulain dari kerak telor, dodol sampe celane pangsi, diblarakin di sane.

Ade panggung ame rume-rume Betawi nyang dijadiin tempat ngejogrognye gubernur, walikota ame bupati pulo srebu. Sebab ntu acara konsepnye silaturahmi warga Jakarta nyang pade blebaran ke walikota ame gubernur, trus walikota juga lebaran ngasi seserahan ke gubernur.

Kebetulan saye dipercaya jadi koordinator sarana prasarana, jadinye tau persis pegimane repot ame ribetnye persiapan ntu acara. Diteken kanan, kiri, atas, bawah. Mulain dari soal komplen bangunan, tagihan duwit pemborong, sampe dimusuhin bini, saye alamin demi eni hajat akbar kaum Betawi. Walhasil capek ame stresnye bukan kepalang!

Tapi sudare, begitu jalan sampe klaarnye tu acara, alhamdulillah kagak masalah. Senengnye saye punya ati. Mekasi ya Allah! Ntu acara nyang diparanin ame 30.000-an orang kagak ade chaos barang seacan. Mudah-mudahan kite bisa ketemu lagi di hajat Lebaran Betawi ke tiga, taon depan.. Insya Allah, Amin ya Allah!

Wassalam..

(gambar nyomot dari http://www.kompas.com/read/xml/2008/10/20/17270412/lebaran.betawi.lebaran.untuk.semua)

bomber-reuters1Assalamualaikum abang mpok..

Blon klaar tegang kite ame hingar bingar pulitik, tau-tau kedengeran bom mleduk lagi di ibukota kite, jum’at kmaren. Kagak tanggung-tanggung tempat kejadian ade di dua hotel nyang bintangnye banyak, b’deketan pula.. Hotel JW Marriot ame Ritz Carlton nyang punye tarap dunie. Walhasil nyang jadi korban liwat 9 orang, nyang lecet lebi dari limepulu orang.

Kontan aje muke bangse ng’renyep! Persiden RI nyap-nyap di tipi. Segale tebak diumbar dengen info kang intip negare alias BIN. Elit nyang laen ujug-ujug nyamber kaya g’ledeg, nyaut bekilah skalian dulang simpati. Nyang bikin kagak enak ati lagi, kleb jago bola dari Inggris, Manchester United (MU) dengen sepihak ngebatalin hajat ngadu bola ame anak kampung kite. Alesannye ude ktebak, die pade ciut nyali ame bom nyang punye riwayat sering m’leduk di Indonesia. Blon lagi katenye MU mao numpang tidur di salah satu hotel nyang m’leduk tadi. Mungkin MU bakal girang kalu disambut ame petasan percis hajatan orang betawi. Nah eni bom?!.. Ogah!

Saye pribadi ude gedeg kagak kepalang ame kang ngebom di mari. Biarkate biangnye nyang dari negeri jiran, dr. Azhari, ude mati tapi nyang atu lagi si Nurdin M. Top, belonan! Kalu ngliat nage-nagenye, emang eni kerjaan si Nurdin cs. Pulisi lagi pade ng’reken sembari nyelidik eni kasus.

Nyang jelas, siape aje nyang bikin ulah ame kejadian bom jumat kmaren, die orang pinter banget.. Pgimane kagak? Die pake banyak momentum nyang bikin orang jadi pade nebak-nebak kagak keruan, semisal: momentum abis pileg/pilpres, di mane orang lagi pade keblinger mikirin ntu urusan b’rebut kuase. Die juga pake momentum hajat orang bule nyang pade mao dateng ke Indonesia, biar kate cuma mao maen bola doang, tapi efek britanye atu bumi. Die orang juga ngebom pake momentum nyang kagak jauh dari waktu kerampokannye milyaran duit BNI, ame ng’grebegnye pulisi densus88 ke tempat ngumpet Nurdin M. Top di cilacap tempo ari. T’rakhir, nyang pasti tu orang tau bener kapan m’lengnye sekuriti di dua hotel apes tadi, sampe-sampe kecolongan masup bom ngliwatin p’mreksaan.. Kalu momentum Maikel Jeksen meninggal, kayanye kagak ade urusan..

Dari sekian momentum nyang ade, trus dipili ari, jadi dah ntu ‘barang’! Efeknye jelas, semua tebakan bakalan jadi nongol kagak pake saringan lagi. Mulain dari orang ngejogrog di warung kupi, ampe’ orang sekelas persiden SBY, asal gobleg aje pating becotot kagak keruan.. Kalu ude gini nyang kudu’ konsen kagak bole m’leng, ye pak pulisi. Slaen kudu’ nangkepin Nurdin M. Top cs, die pade mesti bisa’ ngendusin supaye jangan ade lagi bom nyang m’leduk di negare kite. Tak use pusing ame elit pulitik nyang pade b’klai bebarengan ame asep bom..

Apeg bener eni bangse.. Segitu gampang diklece’in ame bandit! Ye bandit kriminal kelas ncu’ ampe’ kelas kakap, bandit kurupsi, bandit ngebom, bandit copet, ampe’ bandit pulitik..

Ya Allah, tulung lindungin orang-orang nyang masing baek di negeri eni. Kalu nyang jahat ame rakyat, kagak pape die mati kena bom.. Amin ya Allah! Wassalam.. *benain peci, ngelipet sejadah

Assalamualaikum abang ame mpok skalian..pemilu 2009

Lagi dikit kite bakalan nyontreng pemilu lagi. Perasanan belon lama tempo ari eni jari bekelir biru tua, 8 Juli besok ude bakal begitu lagi.

Beda ame nyang sbelonnye.. Kalu kmaren kite mili anggota dewan legislatip, ntaran kite bakal mili calon persiden ame wakilnye, nyang kite tau ade tiga’ pasang nyang bakal berebut korsi kuase. Mulain dari Megawati ame Prabowo, Yudhoyono ame Budiono, trus Jusuf Kala ame Wiranto.

Sedari awal taon ntu orang ude pade berebut ati rakyat, sembari bekoar maen unjuk prestasi ame kelebian. Pedahal, belon ade sebiji acan nyang bikin ati rakyat kebanyakan jadi puas.

Bukannye saye sok kepengenan.. Lantaran masing banyak pejabat negare atawe daerah nyang sembari bepropesi jadi penjahat, buat kantong, ati ame pikiran rakyat. Pejabat nyang pade bikin kebijakan tapi malahan bikin sengsare orang kebanyakan.

Nyang pasti, kite mesti pinter mili pemimpin nyang kagak obral janji. Pemimpin nyang kagak diem ngliat anak buahnye bikin sengsara orang banyak.

Liat aje ntu orang-orang nyang pade berebut korsi kuase persiden sekarang. Gerombolannye pade maen sontok ame maen pitnah. Ude berase nyang paling bener aje. Belon lagi nyang berase paling hebat waktu ngejabat, pade jualan kecap ame kerak telor, bebuih iler seenaknye ntu mulut..

Nyang mesti kite pahamin sejatinye.. Bahwa nyang namenye pemilu tuh kagak laen kagak bukan jadi kaya’ proses manipulasi ati ame pikiran rakyat buat kepentingan segelintir orang atawe kelompok nyang disebut parpol. Urusan rakyat kenyang atawe kagak, ntu mah bole jadi dianggep belakangan. Pgimane carenye, nyang penting menang, balik modal, trus bikin lama waktu kuase dah. Bgitu kira-kira kalu direken nyang namenye pemilu.

Tapi ape mao dikate? Sebusuk-busuknye telor tembuhuk, lantaran ntu doang nyang kesaji, doyan kagak doyan terpakse kite gares juga! Demen kagak demen, bakal kite paranin juga ntu tempat nyontreng alias TPS.

Dasar nasip.. Jadi bagian dari bangse nyang segini runyam. Anak ame bini keburu betelor-netes di mari. Cinte mati buat eni bangse ame eni negare.. Tabe’ wassalam! *ngloyor ke ‘kang k’rak telor

Rume Sakit Lebay!

Lebay amat ntu rume sakit!

Kapitalisme di atas nyawe orang, begitu die modelnye!

Kagak pake tedeng aling-aling, maen nyuru kandangin aje emak-emak beranak dua ke dalem bui, lantaran tu rume sakit kagak terime bekas pasiennye dianggep mulut comel di internet.

Pedahal nyang dilakonin ntu emak-emak cuman sebates curhat lantaran komplennye soal efek kagak baek dari obat ame minta hasil lab nyang kagak diladenin ame tu rume sakit.

Mentang-mentang aje tu rumesakit ade bau luar negerinye, jadi belagak mirip jejagoan pasar. Segale kejaksaan pake krebongan Undang-Undang Kejahatan ITE ikutan turun tangan buat ngegrebek. Pedahal, pulisi aje kagak mao ngelakonin lantaran kagak sampe ati ame anak-anaknye ntu emak nyang masing kecit-kecit.

Belakangan ade tebakan kalu entu kejaksaan setempat maen mate ame orang-orang rume sakit. Katenye ntu kejaksaan ujug-ujug nangkep orang pake Undang-Undang, tapi makenye kagak prosedural. Nyang harusnye ade proses arbitrase atawe kekeluargaan, eni maen ngegiring kandang aje

Sialnye lagi, orang-orang pulitik pade ngendus peluang. Langsung aje pating ganjen pade maranin ke barat Jakarte. Die pade nauin kalu wartawan pade krumunan kaya’ laron, numpang iklan bebas fulus!

Ngeri bener ni negare.. Masing aje ade soal, aparat dijadiin alat buat nindas orang piyik. Ntaran kalu kite bikin tulisan lagi gedeg ame bini atawe pacar, kalu die kagak terime, bise-bise dikandangin dah kite ke dalem bui!

Hiiiyyyyy!!!! *siap2 nutup alamat imel, pesbuk, prenster, blok, dll

logo-html1“Tuhan tidak akan merubah nasib suatu kaum,
kecuali kaum tersebut yang melakukan..”

Sejak mengawali eksistensinya di dunia roda dua 18 Oktober 2000 silam, HTML dikenal sebagai komunitas motor Tiger terbesar di Indonesia. Namun dalam kebesarannya saat ini, kumpulan pengguna dan pecinta roda dua produk kapitalisme Jepang ini sedang mengalami “kelimbungan” (baca tulisan: “HTML, Stagnasi Dalam Kemapanan”).
Dengan komposisi anggotanya yang didominasi oleh manusia dewasa, organisasi ini berusaha keras agar tidak beku ataupun mati. Pada Sarasehan V yang direncanakan 6-7 Juni 2009 di Lampung nanti, nasib organisasi beserta 2000 anggotanya akan dihadapkan pada dua pilihan : bangkit menjadi lebih baik, atau nyungsep dengan “kegembrotannya”.

HTML Paradigma Lama
Menurut sejarahnya, HTML dibentuk sebagai wadah komunikasi antar pengguna dan pecinta motor Tiger melalui sarana internet/dunia maya. Terkait dengan status wadah, kebingungan sempat pula melanda para peserta awal yang beberapa di antaranya telah tergabung dalam wadah club. Dengan standar manusia Indonesia yang cenderung faksional (kelompok dalam kelompok) namun belum tentu demokratis, akhirnya disepakati bahwa HTML adalah wadah komunikasi belaka dengan label komunitas. Dianggap bukan club karena tak memiliki aktifitas dan perangkat organisasi layaknya kumpulan motor Tiger di darat yang telah ada.
Dalam perjalanannya, HTML mengalami bias pemahaman dan penyikapan baik dari dalam maupun dari luar. Kondisi awal yang dimuati oleh pemikiran dengan latar belakang situasi masa lalu tetap terbawa hingga kini. Anggapan bahwa HTML merupakan wadah diskusi maya belaka, membuat HTML terjebak dalam “perjanjian” (orang-orang) lama dan menjadikan HTML seperti kumpulan carik ketimbang bikers. Pada akhirnya alasan historikal tadi menjadi salah satu penyebab HTML “tidak dianggap” keberadaanya oleh club (motor Tiger).
Di lain sisi, HTML pun larut dengan dunia maya dan kurang tanggap terhadap dunia nyata. Larut dalam kengototan eksistensi yang didasari pada pemahaman “asas tunggal internet” bahwa HTML lahir di dunia maya dan internet adalah segala-galanya. Celakanya lagi, kelarutan dunia maya yang tidak mengenal jarak dan waktu menjadikan HTML tidak tahu waktu, tidak tahu bahwa sekeliling telah berubah seiring dengan bertambahnya usia dan anggota.

HTML Paradigma Baru
Adalah pemahaman yang sudah tidak relevan lagi dengan situasi dan kondisi sekarang, “asas tunggal internet” tadi. Harus disadari bahwa hari ini anggota HTML telah mencapai angka 2000 dan mereka-mereka yang lahir di atas angka 1000 merupakan generasi yang banyak mengalami “mutasi” oleh sikap dan pandangan yang berbeda dari generasi terdahulu. Suatu sikap dan pandangan yang beririsan dan tak jarang bertabrakan dengan wadah-wadah organisasi roda dua lainnya.
HTML harus menggunakan paradigma baru, yaitu bahwa HTML adalah organisasi besar yang memiliki sarana komunikasi dan informasi massal (media massa) layaknya organisasi non-otomotif. HTML bukanlah kumpulan pengguna internet yang kebetulan menggunakan motor Tiger, lantas dikelola dan diorganisir secara kemudian. Bahwa internet menjadi salah satu sarana vital rekruitmen dan menjadi ruang temu awal adalah benar, namun jangan menampik realita bahwa perkenalan awal di darat juga sangat menentukan dinamika internal.
Dalam paradigma baru ini HTML harus melakukan metamorfosa sesuai kebutuhan dan kesepakatan bersama. Secara lebih lanjut, metamorfosa akan berdampak pada bentuk organisasi (struktur, suprastruktur dan infrastruktur) HTML dan interaksinya dengan dunia luar, khususnya organisasi-organisasi roda dua lain mulai dari skala lokal, nasional, hingga skala internasional. Metamorfosa ini juga akan mempengaruhi sikap dan kebijakan HTML, baik pada tataran pengurus maupun anggotanya, yang sedang berkendara di jalan menuju warung rokok sekalipun.

Pada akhirnya semua kembali kepada seluruh anggota HTML itu sendiri, dari yang “fosil” hingga yang baru dan akan “lahir”. Di mana perubahan dan perjalanan HTML ke depan menjadi tanggungjawab seluruh anggota HTML, yang akan dirembug secara komperehensif pada hajat penting di ujung bawah pulau Sumatera nanti. Mari bicara.. dan bekerja!

*Penulis adalah anggota HTML dengan NRA 1390 yang berasal dari Kekordinasian Wilayah Jakarta Selatan, Koordinator Komite Diskusi KOMSAR V HTML 2009, dan pernah menjabat sebagai Ketua Umum REDZONE : Red Moto Society.

Kekuatan penuntasan kasus 12 Mei Trisakti,
adalah keyakinan terhadap akal dan nurani..

Bila kesatuan fisik tak memungkinkan,
tiada paksa kecuali hati dan pikiran abadi yang tak terbantahkan..

Demi catatan bangsa yang tak boleh bengkok, luntur dan lekang!

Catatan dengan huruf tebal dan bergaris..
“Tragedi 12 Mei Trisakti merupakan cacat negara atas 4 anak bangsa
Negara lalu yg melakukan, dan negara kini yg membiarkan”

Jangan pernah hilang akal..
Jangan pernah hilang nurani..

-Grogol, 5 Mei 2009-

Hampir genap 11 tahun, 4 anak bangsa mati di tangan peluru penguasa..
Sementara para elit politik sedang dan akan menikmati hasil dari tetes darah pejuang dan airmata keluarga.

Kini fakta perlahan dipunah bahkan diputarbalikkan dengan sengaja!
Banyak kawan setia yang hilang..
Ada yang kompromi
Ada pula yang masuk dalam barisan lawan setia..

Sebuah seruan bagi kaum anti-penindasan dan loyalis penuntasan kasus ini!
Menjelang 11 tahunnya..
Bersiap-siaplah untuk menghantam semua pengingkar dan para cecunguknya!!

HIDUP MAHASISWA!!
HIDUP BANGSA YG BERJIWA!!!

-Grogol, 23 Maret 2009-

Follow

Get every new post delivered to your Inbox.